RECEPCIÓN NO CONCELLO DE TUI AOS PROFESORES/AS DO PROXECTO ARCE

Mañá venres 25 de xaneiro, ás 11.00 horas, no Primeiro Andar do Edificio Área Panorámica, terá lugar unha recepción aos profesores e profesoras que coordinan o Proxecto ARCE, proxecto educativo “Concienci-arce”, realizado polo colexio de Tui CEIP Nº2, o CEIP México de Madrid, o CEIP Nuestra Señora de Hortum Sancho del Casar de Escalona (Toledo) e o Colexio Público Maestro Rafael Carballar de Higuera de la Sierra (Huelva).

Na recepción estarán presentes o alcalde de Tui, Moisés Rodríguez, a concelleira de Educación, Vanesa Rodríguez, así como os responsables e coordinadores/as dos colexios participantes neste proxecto educativo.