Galitoon volve a Tui con “Rosalía, a pulga que escribía”

O aforo está limitado a 200 persoas por función que terán lugar ás 18 e ás 20h É unha obra de monicreques de mesa para público familiar

A compañía Galitoon regresa ao Teatro Municipal de Tui cunha nova proposta teatral para público familiar, logo do éxito acadado anteriormente na cidade con “Golulá” e “Babiliglub”. Neste caso con monicreques de mesa porán en escena “Rosalía, a pulga que escribía”. Haberá dúas funcións, a primeira ás 18h e a segunda ás 20h, estando limitado o aforo en cada unha delas a 200 espectadores.

As entradas teñen un custo de 3€ e 2€. Pódense adquirir en venda anticipada na web www.culturatui.info, ou hora e media antes da función no despacho de billetes da Área Panorámica

Galitoon con “Rosalía, a pulga que escribía”

-          Lugar: Teatro Municipal de Tui

-          Data: Venres, 8 de outubro

-          Hora: Ás 18h e ás 20h cun máximo de 200 espectadores por función

-          Entradas: 3€ e 2€ venda en www.culturatui.info ou no despacho de billetes hora e media antes do comezo da función.