quinta-feira, 16 de maio de 2019

Maica Larriba visita a comisaría da Policía Nacional en Tui

A subdelegada do Goberno en Pontevedra, Maica Larriba visitou recentemente as instalación da comisaría da Policía Nacional en Tui acompañada da comisaria provincial, Estíbaliz Palma.
Larriba percorreu a comisaría da Policía Nacional de Tui, onde foi informada polo responsable policial dos traballos que desenvolven a diario nestas dependencias. Así puido comprobar os servizos de estranxeiría, a elaboración de pasaportes e documento nacional de identidade (DNI) e a tramitación das peticións de asilo de persoas estranxeiras.
Posteriormente trasladouse ao Centro de Coordinación Policial e de Aduanas (CCPA), que se atopa nas antigas instalacións da fronteira con Portugal. Nestas dependencias foi informada do traballo que desenvolven os corpos e forzas de seguridade do Estado cos seus homónimos de Portugal.
Este é un dos cinco centros de intercambio de información policial que mantén as autoridades españolas e portuguesas na fronteira entre ambos países. Tras a aplicación do Tratado de Schengen en 1995 a desaparición física das fronteiras permitiu crear estas oficinas de coordinación de xeito que os corpos de seguridade de ambos países poidan en tempo real intercambiar información, tanto policial como aduaneira.
in Telemariñas

Sem comentários:

Publicar um comentário