domingo, 6 de outubro de 2019

Aberto o prazo de inscrición para os obradoiros “Cultiva a Mente” que poñen en marcha o Concello e AFAGA

CELEBRARANSE, CON CARÁCTER GRATUÍTO, EN AREAS, CALDELAS, GUILLAREI, PAZOS DE REIS, REBORDÁNS E RIBADELOURO.
O Concello de Tui e AFAGA, a Asociación de Familiares de Enfermos de Alzheimer e outras demencias de Galicia, poñen en marcha os obradoiros gratuítos “Cultiva a mente” en seis parroquias tudenses.  Celebraranse de outubro a xuño nos centros culturais de Areas, Caldelas, Guillarei, Pazos de Reis, Rebordáns e Ribadelouro.
As persoas participantes, preferentemente maiores de 55 anos, aprenderán técnicas de memoria, recibirán consellos saudables para o cerebro, e ao tempo fomentarase a socialización e emoción positivas.
Os obradoiros celebraranse os martes de 10 a 11.30 h en Caldelas e de 12 a 13.30 h en Guillarei. Os mércores terán lugar de 10 a 11.30 h en Pazos de Reis e de 12 a 13.30 h en Areas, e por último os xoves de 10 a 11.30 h en Rebordáns e de 12 a 13.30 h en Ribadelouro.
As persoas interesadas  poden inscribirse gratuitamente nos Servizos Sociais Comunitarios na casa do concello de Tui, no correo electrónico aux.ssociais@tui.gal, ou no teléfono 986 60 36 25 ext. 54.  Poden elixir o horario que mellor se axuste as súas preferencias independentemente do seu lugar de residencia.  Nos obradoiros poderán inscribirse todas as persoas de Tui, tanto do centro urbano coma das parroquias, interesadas elixindo a que centro cultural desexan asistir.

Sem comentários:

Enviar um comentário