“O BAUL DAS PALABRAS MÁXICAS”

“O BAUL DAS PALABRAS MÁXICAS” COA ILUSTRADORA ANXELES FERRER O VINDEIRO MARTES NA BIBLIOTECA MUNICIPAL DE TUI
A Biblioteca Pública Municipal de Tui organiza para o vindeiro martes 24 de marzo, ás 17,30 horas, unha actividade conmemorativa do “Día Mundial da Poesía” dirixida aos usuarios dos primeiros cursos de Educación Primaria.
Trátase do obradoiro titulado “O baúl das palabras máxicas” a cargo da ilustradora Anxeles Ferrer. Natural de Ourense leva moitos anos resindindo en Tui e no Baixo Miño e, na actualidade, é unha das ilustradoras galegas máis acreditadas. Amáis ten sete libros dirixidos aos rapaces, logrando importantes recoñecementos: o seu libro “O señores meses” (2000) foi preseleccionado para a lista de honra do IBBY ou “O grilo Gastón” foi escollido pola Fundación Germán Sánchez Ruiperez entre os mellores do ano 2003-2004 ou no 2006-2007 o seu libro “Tres princesas namoradas”.