sexta-feira, 16 de janeiro de 2015

Doce clubs daranse cita este domingo na Regata Miño Internacional Copa Presidente da Deputación

Un total de 12 clubs galegos e portugueses, que sumarán 300 remeiros, daranse cita este domingo na Regata Miño Internacional Copa Presidente da Deputación. Esta proba deportiva foi presentada esta mañá na Casa do Concello, por parte alcalde de Tui, Moisés Rodríguez, o concelleiro de Persoal, José Ángel Villaverde e os responsables dos clubes tudenses organizadores da proba deportiva, Manuel Landeira, José Prada, Francisco Javier Álvarez e Manuel Ángel González. Tamén asistiu o presidente da Federación Galega de Remo, Manuel Seijas, e José Luís Méndez, o primeiro presidente do Club Remo do Miño.
A Regata Miño Internacional disputarase a partir das 12h en augas do río Miño entre San Pedro da Torre e o Centro Interfederado. Será a primeira vez que sexa organizada de forma conxunta polos dous clubs de remo tudenses: o Remo Tui e o Remo do Miño. Precisamente este feito foi destacado esta mañá tanto polo alcalde de Tui, Moisés Rodríguez, coma polo concelleiro José Ángel Villaverde, destacando a súa satisfacción polo proceso de unificación que se está a realizar entre ambas entidades deportivas dende hai xa uns meses e que se pon de relevo nesta proba.
A regata disputarase en Oito con temoneiro absoluto masculino, 4 scull absoluto masculino, 4 scull absoluto feminino e coma novidade tamén en 8 con temoneiro veterano. 

Sem comentários:

Publicar um comentário