A Feira de Artesanía de Tui reúne 32 postos na súa décimo cuarta edición

Abrirá sábado e domingo de 12 a 22h na rúa Ordóñez. Será inaugurada o sábado día 1 ás 12h pola Directora Xeral de Comercio

A rúa Ordóñez de Tui vai acoller esta fin de semana, sábado e domingo, a XIV Feira de Artesanía organizada pola Concellería de Cultura. Trátase dunha clara aposta pola cultura tradicional que toma forma nos obxectos elaborados con cerámica, coiro, madeira, cristal... por artesáns de toda Galicia. Nos 32 postos de artesanía que abrirán na rúa Ordóñez estarán tamén oito artesáns tudenses expondo os obxectos froito da súa creación.  Non faltarán á cita a integrantes da Asociación de Palilleiras do Baixo Miño que estarán toda a fin de semana amosando os seus traballos e palillando á vista do público.

XIV Feira de Artesanía

Data: Sábado 1 e domingo 2 de maio

Horario: de 12 a 22h

Lugar: Rúa Ordóñez (paralela á Corredoira)

Actividades:

    Sábado 1

Ás 12h inauguración e actuación do grupo folclórico “Inquedanza” de Pazos de Reis

Ás 18h Actuación do grupo de gaitas “San Xoán” de Paramos

     Domingo 2

Ás 12h Actuación do grupo folclórico “Xuntanza de Randufe

Ás 18h Actuación do grupo folclórico “O Mosteiro” de Pexegueiro

Organiza: Concellería de Cultura de Tui

Colabora: Asociación de Palilleiras do Baixo Miño