segunda-feira, 27 de fevereiro de 2017

Remataron as obras de saneamento nas instalacións deportivas Álvarez Durán

Remataron as obras de saneamento nas instalacións deportivas Álvarez Durán, na parroquia de Randufe. Cos traballos realizados nas últimas semanas púxose fin aos problemas que a rede de sumidoiros presentaba dende hai case tres décadas con filtracións das augas residuais.  Segundo explica o concelleiro de Medio Ambiente, José Martínez Tato, tras inspeccionar a canalización cunha cámara e comprobar o estado que presentaba colocouse unha  tubaxe de pvc e arranxáronse as arquetas co que eliminan completamente os vertidos e filtracións que se viñan producindo durante anos. Agora toda a rede de saneamento destas instalacións deportivas municipais pasan a estar conectadas ao sistema de saneamento.

Sem comentários:

Enviar um comentário