Ice Age 3 abre a programación do Cinema na rúa

Será este venres ás 22.30h na Praza de San Fernando

Este venres comeza o “Cinema na rúa” que se enmarca na programación cultural organizada pola Concellería de Cultura, e que ao longo deste verán nos vai ofrecer tres películas de animación para todos os públicos.

Este venres, 30 de xullo, ás 22.30h na Praza de San Fernando vaise proxectar “Ice Age 3: A orixe dos dinosaurios”. Trátase dun film de animación con 94 minutos de duración co característico humor dos seus protagonistas Diego e Scrat. Nesta ocasión terán que enfrontarse aos dinosaurios, xa que a pandilla entra nun misterioso mundo soterrado.

As seguintes citas co “Cinema na rúa” serán o venres 6 de agosto con “Lluvia de Albóndigas” e o venres 20 de agosto coa proxección de “Planet 51”.