segunda-feira, 26 de julho de 2010

XI Noite Internacional do Miño

Celébrase o martes, 27 de xullo, ás 21.30h no Parque do Laxal en Rebordáns.  A XI Noite Internacional do Miño presenta o folclore de Hungría, Indonesia, Francia e Chipre. Está organizada pola Escola de Baile e Gaitas “San Fins”
O próximo martes, 27 de xullo, ás 21.30h no Parque do Laxal en Rebordáns terá lugar a décimo primeira edición da Noite Internacional do Miño organizada pola Escola de Baile e Gaitas “San Fins” de Rebordáns.
Este evento reúne anualmente a grupos folclóricos de distintos países e continentes presentando un espectáculo único cheo de cor e sons. Nesta ocasión van participar nesta Noite Internacional os grupos Bodrog Folk Dance Group de Hungría, o Klub Tari Peminatan de Indonesia, o Camarguais Cordon de Francia e o Özgür Adimlar Culture and Association de Chipre.
Estes grupos pese as características concretas do seu folclore comparten a súa preocupación pola preservación e mantemento da cultura tradicional. Todos eles actúan en festivais internacionais onde exhiben as peculiaridades da súa música e do seu baile. Este martes, no Parque do Laxal en Rebordáns, teremos a oportunidade de disfrutar en director do seu son e as súas danzas, nun espectáculo que ano a ano conta con maior respaldo de público que ateiga completamente o lugar onde se celebra esta Noite Internacional do Miño.
Na organización desta actividades a Escola de Baile e Gaitas “San Fins” de Rebordáns conta coa colaboración da Concellería de Cultura de Tui.

Sem comentários:

Enviar um comentário