A primeira quenda dos campamentos urbanos e deportivos de Tui está a piques de rematar, xa que hoxe luns será o último día desta quenda que comezou o día 1 de xullo, na que participaron 129 nenos e nenas.
Mañá martes 16 dará comezo a 2ª quenda, que rematará o día 31 de xullo, e na que están inscritos 126 participantes. Lembrar a todos os pais e nais, que o punto de entrega e recollida dos nenos e nenas será o novo pavillón deportivo municipal de Tui.
Prazas dispoñibles para a 3ª quenda
Dado que aínda quedan prazas dispoñibles para a terceira quenda, a realizar entre os días 1 e 14 de agosto, informar a todos os interesados que poderán inscribirse na secretaría do Concello de Tui (ata cubrir esas prazas), entre os días 15 e 19 de xullo, cumprimentando a folla de inscrición, presentando a información requirida e realizando o pago da taxa do campamento nesa mesma semana.
Sem comentários:
Enviar um comentário