terça-feira, 15 de julho de 2014

1º Convívio Luso Galaico em Verdoejo

As parroquias tudenses de Paramos e Baldráns e a valenciana de Verdoejo vanse unir este domingo na I Xuntaza Luso-Galaica que se vai celebrar no Parque de Merendas de Vedoejo, a seis quilómetros do centro urbano de Valença en dirección Monçao.

Esta iniciativa buscar fortalecer as relacións existentes entre os veciños dunha e doutra beira do Miño que compartirán unha xornada de convivencia celebrando un completo programa de actividades. A cita comeza ás once da mañá coa apertura da Xuntanza da manda dun grupo de bombos de Portugal. Ás 12h celebrarase no lugar misa solemne, para a continuación celebrar un xantar campestre no que cada un levará a súa comida, pero tamén haberá polbo á feira a prezos populares. Pola tarde actuarán os grupos de gaitas de beira galega que xunto á celebración de xogos tradicionais, sendeirismo, representacións teatrais e inchables para os pequenos farán que a tarde sexa moi entretida xunto a actuación dun grupo musical. Á tardiña servirán porco ao espeto e para rematar farán a tradicional queimada. Agardan a participación de duascentas persoas.
A idea que partiu da freguesía de Verdoejo foi moi ben acollida tanto en Baldráns coma en Paramos ante as relacións históricas existentes xa entre a poboación. Esta actividade nace con vocación de continuidade e cada ano irá rotando por unha parroquias participantes.
Con esta xuntanza proséguese a senda de colaboración establecida no seo da Eurocidade entre tudenses e valencianos. Nesta iniciativa colaboran o Concello de Tui, a Cámara de Valença, a Junta de Freguesía de Verdoejo, e os centros culturais Val de Flores de Baldráns, e Laxes de Paramos, así coma a Deputación de Pontevedra.

Sem comentários:

Enviar um comentário