Este domingo, 27 de xullo, realizarase o décimo percorrido do Circuíto de Andainas Saudables da Eurocidade, “Os Baños”, organizado pola Eurocidade Tui-Valença e dirixidos polos monitores da empresa tudense VerdeAzul.
O punto de encontro desta nova andaina será no Balneario de Caldelas, ás 10.00 horas españolas (09.00 horas portuguesas), cun percorrido aproximado de oito quilómetros, e de dificultade baixa, polas parroquias de Caldelas e Baldráns. O punto de encontro alternativo será a estación de servizo, ao carón do Parador de Tui, ás 09.45 horas españolas.
Con este percorrido péchase a primeira parte do programa de andainas saudables da Eurocidade, cunha media de máis de cen participantes por andaina, que retornará no mes de setembro con dúas andainas máis, o día 12 de setembro, “Trilhos por terras de Valença”, e o día 28 de setembro, “Andaina da Cova da Trapa”.
Sem comentários:
Enviar um comentário