Un centenar de persoas participará no I Torneo de Tenis da Eurocidade do 19 ao 5 de outubro

Un centenar de persoas van participar no I Torneo de Tenis da Eurocidade que se vai disputar entre o 19 de setembro e o 5 de outubro. A cita será nas tres pistas de tenis de Areas e nas dúas existentes na Piscina Municipal de Valença.  Será en categoría feminina, masculina e dobres a partir dos 3 anos de idade

 O alcalde de Tui, Moisés Rodríguez, o concelleiro de Deportes, Nicolás Lorenzo, e o directivo do Club Tenis Tui e director técnico do torneo, Pablo García, foron esta mañá os responsables presentación desta competición deportiva, acompañados polo concelleiro José Ángel Villaverde e o membro do Club Tenis Tui, Luís Saracho. 

O alcalde de Tui, Moisés Rodríguez, expuxo que esta competición terá carácter internacional e afirmou que será “un torneo de referencia no sur de Pontevedra e no norte de Portugal”. 

O concelleiro de Deportes, Nicolás Lorenzo, recoñeceu a gran labor que está realizando o Club Tenis Tui destacando as excelentes pistas deportivas con que contas, salientando nese sendo que este torneo oficial é a mellor oportunidade para inauguralas. 

Pablo García, director técnico do torneo, manifestou que “queremos que este torneo chegue a ser un referente entre os tenista da zona tanto en Galicia coma no Norte de Portugal”. Avanzou amais que o día da final haberá un partido exhibición  entre David Vidal, 107 de España e 14 de Galicia, e Carlos Becke, así coma partidos entre os máis pequenos do club.