No que antigamente fora unha canteira, na que se recuperou o espazo con recheos de terra, atopamos esta fermosa área recreativa, situada ao pe da Serra do Galiñeiro e a 100 m do regato San Simón, tamén coñecido polos amantes da pesca por ser un regato moi troiteiro. Aproximadamente a 500 m, na ladeira da serra, atopase a famosa cova da Trapa, redescuberta no ano 2007, co valor engadido de ser a segunda cova granítica mais longa de Europa e a curiosidade do interese que se di que puxeron nela os investigadores da NASA.
O arborado da área está formado principalmente por frondosas caducifolias como carballos e bidueiros,
ten tamén árbores de carácter máis ornamental como o liquidámbar.
Próxima a esta Área, no barrio do Cotarel, ao carón do río San Simón, hai un muíño no que se sigue moendo hoxe en día, e no lugar instaláronse unhas mesas con asadores e balancíns para os mais pequenos, que tamén se bañan nun remanso que fai o regato San Simón.
Concello: Tui
Parroquia: Ribadelouro
Lugar: Porto de Bouzas
Coordenadas Datum WGS 84, huso UTM 29 T: X 528115 Y 4661330
Instalacións: - Acceso a persoas con discapacidade
- Fonte – Auga potable
- Bancos e mesas
- Asadores
- Parque infantil
- Parque adultos
- Pistas deportivas
Acceso: Coche: Si Autobús : Si
in ANABAM
Sem comentários:
Enviar um comentário