segunda-feira, 24 de outubro de 2016

O Concello de Tui apoia aos deportistas tudenses de alto nivel coa convocatoria de becas

O Boletín Oficial de Pontevedra publicou hoxe as bases reguladoras das becas aos deportistas de alto nivel tudenses, que este ano contarán cun presuposto de 15.000€, e que pretenden facilitar aos deportistas tudenses de elite a práctica deportiva e a súa participación nas competicións de alto nivel, valorando así a súa especial dedicación ao deporte e á súa vez á difusión que realizan da cidade de Tui en aqueles eventos deportivos de carácter nacional ou internacional.
Para acceder a estas becas, será necesario ser deportista federado de alto nivel galego ou nacional, maior de 16 anos, estar empadroado no Concello de Tui e ter participado en competicións de carácter oficial, nacional ou internacional, segundo o cadro de baremación das bases.
O prazo de presentación das solicitudes será de dez días hábiles dende a publicación da convocatoria no BOP, entregando toda a documentación solicitada por rexistro de entrada na secretaría do Concello de Tui. A información das bases e os formularios de solicitude pódense recoller na mesma secretaría do concello ou descargarlas na paxina web municipal.

Sem comentários:

Enviar um comentário