quarta-feira, 1 de março de 2017

“Unha proposta creativa de deberes” pecha os Faladoiros de Educación

Este xoves, 2 de marzo, terá lugar o derradeiro Faladoiro de Educación organizado polo Concello de Tui e o Colexio Rural Agrupado Mestra Clara Torres. A cita será ás 18h na Sala Félix Rodríguez na Área Panorámica co tema “Na procura dunha proposta creativa de deberes”. Intervirán unha directora dun centro educación Primaria, o presidente das ANPAS da provincia de Pontevedra, unha nai dun centro de Primaria de Tui, e unha psicóloga e pedagoga.           
Deste xeito complétase o ciclo que comezou o pasado mes de novembro e no que ao longo de seis sesións tratáronse temas coma avaliacións finais de Primaria e Secundaria, a igualdade, o uso de internet e as redes sociais, o autocontrol, ou a educación en positivo. 

Sem comentários:

Enviar um comentário