quarta-feira, 31 de maio de 2017

Quince persoas asisten en Tui ao curso para preparar as probas libres para obter o graduado en ESO

É a primeira vez que concello pon en marcha esta actividade formativa
Quince persoas asisten en Tui ao curso de formación de adultos preparatorio das probas libres para a obtención do graduado de Ensino Secundario Obrigatorio, ESO. As clases celébranse os luns e os mércores, en horario de tarde, na Área Panorámica dende o pasado mes de marzo.
Esta é a primeira ocasión en que se imparte en Tui un curso destas características grazas á achega realizada pola concellería de Servizos Sociais. As sete mulleres e os oito homes, seleccionadas a través dos Servizos Sociais Comunitarios, que están a realizar esta actividade déronlle unha boa acollida, estando moi motivados e implicados. Esta iniciativa continuará de forma permanente incorporando novo alumnado cada curso, a medida que os participantes vaian aprobando as probas libres que celebran en xuño e setembro. 

Sem comentários:

Enviar um comentário