quinta-feira, 20 de fevereiro de 2014

O clásico de Shakespeare “Mucho ruido y pocas nueces” chega mañá venres a Tui

Las Grotesques de Madrid representarán a súa particular versión desta obra
 A obra escrita por William Shakeapere no século XVI “Mucho ruído y pocas nueces” chega mañá venres ao Teatro Municipal de Tui da man de Las Grotesques de Madrid que porán en escena ás 21.30h a súa particular versión desta comedia romántica. 
Elena Lombao, Tusti de las Heras e Celia Freijerio soben ao escenario baixo a dirección de Sonia Sebastián interpretando todas as personaxes da función. O resultado é unha historia de honra e deshonra, de rápidos e intelixentes diálogos, na que o amor debe triunfar por riba de todo. A representación comeza co regreso de Don Pedro de Aragón, e coma este tenta axudar ao conde Claudio, a súa man dereita,  a conquistar a Hero, a filla do gobernador. Pero Don Juan tenta sementar a discordia. Por outra parte están Benedicto e Beatriz, dous adversarios irreconciliables, que todos tentan que se namoren un do outro. 
O espectáculo, recomendado a partir dos 16 anos, ten unha duración de 80 minutos. As entradas están xa á venda en www.culturatui,info ata o venres ás 13 ao prezo de 6€ e 4,5€. Tamén se poderán adquirir o venres dende ás 20h no despacho de billetes na Área Panorámica. 
Las Grotesques con “Mucho ruido y pocas nueces”
Data: Venres, 21 de febreiro, ás 21.30h
Lugar: No Teatro Municipal 
Entradas: Á venda en www.culturatui.info ata o venres ás 13h, ou o venres dende ás 20h no despacho de billetes ao prezo de 6€ e 4,5€.

Sem comentários:

Enviar um comentário