Alfonso Davila, primeiro Técnico de Son invidente de Europa realiza prácticas na Radio Municipal de Tui

Alfonso Davila Crespo, un mozo de 22 anos, que este ano titularase coma Técnico Superior de Son para Audiovisuais e Espectáculos na Escola de Imaxe e Son de Vigo, está a realizar na actualidade as súas prácticas na Radio Municipal de Tui na área de control e edición.

Alfonso Davila será nunha semanas o primeiro Técnico de Son invidente en Europa.  O seu interese polo mundo do son e a música comezou desde ben pequeno. Causáballe admiración o medio radiofónico, coma daquel retransmisor saían voces, música e efectos misturados creando pezas dramáticas perfectas. 

A idade dos 9 anos comezou a tocar o acordeón dando concertos en numerosos lugares da comunidade, Asturias, República Dominicana e mesmo na televisión, paixón que todavía lle acompaña, chegando a gravar él mesmo as súas pezas musicais. Nas súas actuacións coma acordeonista descubriu a labor dos técnicos de son, e desde entón tivo clara a súa meta profesional. 

Alfonso Davila, que estudou o ensino obrigatorio no centros educativos da ONCE en Pontevedra e Madrid,  Bacharelato no IES de Beade e cursou os estudos de Técnico de Son na Escola de Imaxe e Son de Vigo, sendo o  primeiro invidente en estudar nesta escola. Grazas ao programa Jaws 13.0, que lle interpreta o que está a facer no ordenador ao través de instrución de son, emprega o programa Sonar 8 para a edición de son, co que puido comezar a traballar autónomamente nese mundo, labor que desempeña nestes momentos – facendo as prácticas formativas - na Radio Municipal de Tui. Nesta etapa formativa tivo que adaptarse ao cambio que supuxo asistir a centros dirixidos especialmente para invidentes, a incorporarse a outros onde el era a excepción, o que supuxo un proceso adaptativo duro.  

Satisfeito de ter completado a súa formación, e tras as prácticas que realiza durante once semanas na emisora municipal de Tui, gustaríalle encamiñar o seu futuro profesional a traballar nun estudo de gravación facendo postproducción de música ou elaborando relatos dramáticos radiofónicos mesturando voz, ambiente e música. Recoñece que cumprir o seu soño non é doado porque non son moitas as oportunidades laborais que poden xurdir, máis aínda nestes tempos de crise.  Pero Alfonso Davila non tira a toalla e o seu próximo proxecto é poder mercar o seu equipo propio equipo de son para realizarse a sí mesmo mentres non atopa un traballo por conta allea. Grazas aos numerosos concertos que deu coma acordeonista fixo multitude de contactos con bandas de música coas que espera poder comezar a súa carreira profesional. 

Mentres tanto, continuará formándose ata o 20 de xuño na Radio Municipal de Tui realizando labores tanto de control técnico coma de edición de son.