Este domingo, 30 de marzo, ás 10.00 horas, terá lugar a segunda andaina do Circuíto de Andainas Saudables da Eurocidade, na que o punto de concentración será a Piscina Municipal de Valença, sendo o percorrido polas parroquias tudenses de Areas e Randufe.
A distancia será de 8 quilómetros, cunha duración aproximada de dúas horas e media, sendo a dificultade baixa.
Nesta andaina, que coincide coa celebración da III Eurocidade BTT, proba deportivaen que participarán os acompañantes dos ciclistas, polo que se agarda ter máis de 150 camiñantes.
Compre salientar que esta segunda andaina saudable ten un carácter solidario, polo que cada participante deberá aportar un quilo de alimentos non perecedoiros que serán destinados aos servizos sociais da Cámara de Valença.
Sem comentários:
Enviar um comentário