Baobab Teatro presenta “Babs” A cita, para público familiar, será o sábado ás 19h no Teatro Municipal

Dende Pontevedra chega Baobab Teatro ao Teatro Municipal para representar este sábado, 22 de marzo, ás 19h a obra “Babs”. 

“Babs” é o segundo espectáculo de Baobab Teatro. Foi escrito por Andrea Bayer e dirixido por ela xunto a Óscar Ferreira. Sobre o escenario estarán Andrea Bayer e Xurxo Cortázar. Trátase dun espectáculo para bebés recomendado a partir de un ano. Babs é un planeta que ten só tres habitantes: mamá, papá e Babo.  Babo ten moita curiosidade e quere descubrir mundo aínda que papa e mamá sempre lle din que no para protexelo.  Baobab Teatro puxo nesta obra toda a súa ilusión, creatividade e experiencia de tal xeito que o resultado é unha experiencia máxica para bebés e familias onde a tenrura é  protagonista. 

Baobab Teatro creouse a finais de 2010 contando coa ampla bagaxe dos seus integrantes Andrea Bayer e Óscar Ferreira.  Andrea Bayer ten dirixido e escrito espectáculos coma o multipremiado “Goululá”, unha obra ma que tamén participou Óscar Ferreira, titiriteiro, construtor de monicreques e escenografías. O seu primeiro espectáculo foi “Fíos” ao que seguiu “Babs” e o terceiro que teñen xa en cartel é “O soldadiño de chumbo”. 

 O espectáculo, recomendado para público familiar con nenos de 1 a 6 anos, ten unha duración de 40 minutos. As entradas están xa á venda en www.culturatui,info ata o sábado ás 13h, ou o sábado dende ás 17.30h no despacho de billetes na Área Panorámica ao prezo de 3,5€ e 2,5€.

Baobab Teatro con “Babs”

Data: Sábado, 22 de marzo ás 19h

Lugar: No Teatro Municipal 

Entradas: Á venda en www.culturatui.info ata o sábado ás 13h, ou o sábado dende ás 17.30 no despacho de billetes ao prezo de 3,5€ e 2,5€.