Os Cempés presentan en directo o seu novo traballo “Tentemozo”

Será este venres ás 21.30h no Teatro Municipal de Tui

O grupo “Os Cempés” presenta este venres, ás 21.30h, en concerto no Teatro Municipal de Tui o seu último traballo “Tentemozo”. 

O grupo de Ferrolterra chega a Tui para presentar o seu novo disco no que contou coa colaboración  de músicos convidados como Carlos Quintá, Begoña Lorenzo, Luis Peixoto, … pero tamén do alumnado da Escola Livre da Música Popular Galega ELMPG (aCentral Folque). A gravación do disco foi posible grazas ao sistema de crowdfouning, sendo financiada polos propios fans ao través da web  www.verkami.com.

​​Tras vinte anos no mundo da música nos que percorreron toda Galicia, Portugal, España, Francia, Noruega ou Inglaterra, e logo dun paréntese de cinco anos, Os Cempés chegan agora con máis forza nun directo no que farán cantar e bailar ao público dende o primeiro tema. 

As entradas están á venda en www.culturatui.info ata o venres ás 13h ou o venres dende ás 20h pódense mercar no despacho de billetes ao prezo de 4€ e 3,5€.

Os Cempés en Concerto

Data: Venres, 18 de outubro, ás 21.30h

No Teatro Municipal de Tui 

Entradas á venda en www.culturatui.info ata o venres ás 13h ou o venres dende ás 20h pódense mercar no despacho de billetes ao prezo de 4€ e 3,5€.