segunda-feira, 12 de março de 2012

MAÑÁ OS RAPACES DE RANDUFE CULMINAN A AMPLIACIÓN DO PARQUE RECREATIVO DE CHAN DO CARRASCO


Mañá martes 13 de marzo ás 09,30 horas da maña os alumnos do CEIP de Randufe procederán á plantación de oito cerdeiras coas que se culmina a intervención realizada pola concellería de parques e xardíns do Concello de Tui para o adecentamento e ampliación do Parque Recreativo de Chan do Carrasco na parroquia de Randufe.
Segundo explica a concelleira responsable deste área, Olga Montes Moldes, procedeuse a retirada de diversos piñeiros queimados que existían no entorno desta superficie de esparcemento, prantando nos seu lugar especies autóctonas e máis axeitadas para un parque público, como foi neste caso un total de 40 carballos. Coas cerdeiras que mañá colocaran os rapaces de Randufe culmina esta intervención.
Para a concelleira responsable deste área municipal con esta actuación por parte do Concello de Tui lógrase ampliar e mellorar este Parque recreativo de Chan do Carrasco para o servizo dos veciños da parroquia de Randufe e mesmo de todo o Concello tudense.
O obxectivo deste acto no que participa o CEIP de Randufe é promover entre os alumnos deste centro educativo os valores de respecto e coidado do noso medio ambiente natural e dos espacios de uso colectivo como este Parque Recreativo que moitos deles utilizan no seu tempo de lecer e “que agora sentirán como máis propio” afirma a concelleira Montes Moldes.

Sem comentários:

Enviar um comentário