A Aula UNED de Tui acolle este venres de 17h a 20h o “Curso práctico de linguaxe non verbal e o seu análise” impartido pola Escola Europea de Líderes.
O venres 22 de novembro, a Aula UNED de Tui acollerá o “Curso práctico de linguaxe non verbal e o seu análise” co obxectivo de que o alumno aprenda a analizar a comunicación non verbal.
Durante a realización do curso os alumnos aprenderán a estudar o significado dos xestos e emocións vendo como se manifesta na linguaxe non verbal a aceptación, a dúbida, a mentira, etc. O obxectivo do curso é que o asistente aprenda a ler as expresións, os tons de voz e os xestos emitidos polo interlocutor.
O curso, cunha carga lectiva de 3 horas e impartido pola Escola Europea de Líderes , desenvolverase presencialmente na Aula UNED de Tui de 17h a 20h . O prezo xeral da matrícula é de 55 euros, e para alumnos da UNED e persoas desempregadas 35.
Todos aqueles interesados en inscribirse no curso poderán facelo a través da páxina web da UNED de Pontevedra( http://www.unedpontevedra.com), chamando por teléfono ao 986 85 18 50 ou dirixíndose ás instalacións da Aula UNED de Tui (rúa Antero Rubín s/n - Antigo Convento de San Domingos). O horario de atención ao público é de luns a venres (excepto xoves) de 16h a 21h.
Sem comentários:
Enviar um comentário