RECEPCIÓN DO CONCELLO DE TUI AO DEPORTISTA TUDENSE FRANK CASAÑAS

Participou nos Xogos Olímpicos de Londres na modalidade de lanzamento de disco

O próximo luns 8 de outubro, ás 12.00 horas, no Salón de Plenos, o Concello de Tui recibirá ao deportista tudense Frank Casañas, que participou no pasado mes de agosto nos Xogos Olímpicos de Londres 2012 na modalidade de lanzamento de disco.

Nesta recepción estarán presentes o Alcalde de Tui, Moisés Rodríguez, o Concelleiro de Deportes, Nicolás Lorenzo, e demais concelleiros/as de Tui.

Para o Concelleiro de Deportes de Tui, Nicolás Lorenzo, é unha honra contar entre os nosos veciños cun deportista olímpico.