Este albergue foi construído no ano 1999 restaurando a antiga casa reitoral entre a Capela da Misericordia e a Igrexa de San Telmo. Conta con corenta prazas dun total das 495 públicas existentes no Camiño Portugués.
As obras consisten basicamente no tratamento dos paramentos interiores e exteriores, a substitución ou reparación das carpinterías de madeira, a limpeza do muro e a revisión das instalacións e cubertas.
Tui (Pontevedra), 14 de outubro de 2012.- A S.A. de Xestión do Plan Xacobeo, da Secretaría Xeral para o Turismo da Xunta de Galicia ven de comezar as obras de mantemento e reparación no albergue de Tui, pertencente á Rede de Albergues Públicos para peregrinos.
As obras consisten basicamente no tratamento dos paramentos interiores e exteriores, a substitución ou reparación das carpinterías de madeira, a limpeza do muro e a revisión das instalacións e cubertas. En total o orzamento destinado polo Xacobeo ás mesmas ascende a 45.018,68 € e os traballos teñen como data de finalización o vindeiro día 15 de novembro.
O albergue público de peregrinos de Tui ten corenta prazas do total das 495 prazas públicas en albergues do Xacobeo con que conta o Camiño Portugués. Está situado na rúa Párroco Rodríguez Vázquez, na antiga casa reitoral situada entre a Capela da Misericordia e a Igrexa de San Telmo, e funciona como albergue dende o ano 1999, tras unha restauración deste inmoble.
A restauración levada a cabo no seu día posibilitou unha edificación que ademais de albergue pode ser utilizada como centro cultural e multiusos. A súa estrutura, cunha superficie de 567,40 metros cadrados, consta dunha planta semisoto, planta baixa e planta alta. Dispón dun patio xardín posterior de 205 metros rodeado dun muro que se converte nunha balconada corrida aberta cara a praza de San Telmo. Esta restauración realizada pola S.A. de Xestión do Plan Xacobeo contou naquel momento cun orzamento que se achegaba aos catrocentos mil euros.
O ano pasado, en todo o 2011, percorreron o Camiño Portugués un total de 22.062 peregrinos, que supuxeron o 12,03% dos camiñantes que recolleron a compostela á súa chegada a Santiago.
O Alcalde de Tui agradece este investimento que redundará nunhas mellores condicións de acollida aos numerosos peregrinos que realizan o camiño portugués a Compostela que historicamente entra en Galicia a través da cidade tudense.
Sem comentários:
Enviar um comentário